Vera Wang လို့ နာမည်ရတဲ့ ဖက်ရှင်ဒီဇိုင်နာတစ်ယောက်ဟာ သူမရဲ့အလန်းစားဓာတ်ပုံတွေကို ဆိုရှယ်မီဒီယာ ပေါ်တင်ပြီး ဆိုရှယ်မီဒီယာ သုံးစွဲသူတွေကို အံ့သြသင့်သွားစေခဲ့ပါတယ်။ အကြောင်းကတော့ Wang ဟာ အသက် ၇၀ ကျော်အရွယ်ရှိနေတဲ့ အမျိုးသမီးတစ်ယောက် ဖြစ်နေတာကြောင့်ပါပဲ။ သူမရဲ့ဓာတ်ပုံတွေထဲမှာ သူမဟာ အသက် ၇၀ လို့ မထင်ရ‌အောင် နုပျိုလန်းဆန်းနေပါတယ်။

Image Credit: Instagram/ Vera Wang

သတို့သမီးဝတ်စုံ brand တစ်ခုရဲ့ founder ဖြစ်သူ Wang ဟာ လတ်တလောမှာ အိမ်ထဲကနေ အိမ်ပြင် မထွက်ဘဲ Quarantine လုပ်ရင်း သူမနေထိုင်င်ရာ အမေရိကန်ပြည်ထောင်စု၊ မိုင်ယာမီမှာရှိတဲ့ စံအိမ်မှာ ဓာတ်ပုံတွေ ရိုက်ကူးပြီး သူမရဲ့ အင်စတာဂရမ်စာမျက်နှာမှာ တင်ခဲ့တာ ဖြစ်ပါတယ်။

Image Credit: Instagram/ Vera Wang

အဲဒီဓာတ်ပုံတွေထဲမှာ သူမဟာ လိမ္မော်ရောင်တောက်ပနေတဲ့ sport bra နဲ့ ဂျင်းဘောင်းဘီအတိုကို ဝတ်ဆင်ထားပါတယ်။  အဲဒီလိုဝတ်စား ဆင်ယင်မှုက အသက် ၇၀ လို့ လုံးဝမထင်ရလောက်တဲ့ သူမရဲ့ ခန္ဓာကိုယ်အလှ ကို ပေါ်လွင်နေစေပါတယ်။ အဲဒါကြောင့်လည်း သူမဓာတ်ပုံတွေကို တွေ့မြင်လိုက်ရတဲ့ ဆိုရှယ်မီဒီယာသုံးစွဲသူ အပေါင်းကို အံ့သြ မှင်တက်သွားစေခဲ့တာပါ။

Image Credit: Instagram/ Vera Wang

နောက်ထပ်ပုံတစ်ပုံမှာတော့ သူမဟာ လိမ္မော်ရောင် ဒီဇိုင်းဆန်းဂါဝန်ရှည်ကြီးကို ဘွတ်ဖိနပ်အနက်ရောင်နဲ့ တွဲဖက်ဝတ်ဆင်ကာ မျက်နှာမှာလည်း လိုက်ဖက်ညီစွာ လိမ္မော်ရောင် mask ကို ဝတ်ဆင်ထားပါတယ်။ အဲဒီ ဓာတ်ပုံမှာလည်း အသက် ၇၀ လို့မထင်ရအောင် နုပျိုသွယ်လှတဲ့ ခြေထောက်တွေနဲ့ သူမရဲ့အလှကို တွေ့မြင်ရပါတယ်။

Image Credit: Instagram

အမှန်တကယ်တော့ သူမမျက်နှာဟာ အဲဒီလောက်ကြီး ငယ်ရွယ်နုပျိုတာတော့မဟုတ်ပါဘူး။ ဒါပေမဲ့ ဖက်ရှင် ဒီဇိုင်နာပီပီ အလန်းစားဝတ်စား ပြင်ဆင်မှုတွေက သူမကို အသက် ၇၀ ကျော်အရွယ်လို့ မထင်ရလောက် နုပျိုတဲ့ အသွင် ပေါက်သွားစေတာ ဖြစ်ပါတယ်။ ဒါ့ပြင် သူမဟာ အမြဲတမ်းစိတ်ပျိုကိုယ်နုပြီး လန်းဆန်းတက်ကြွသူ ဖြစ် နေတာကလည်း သူမကို နုပျိုဟန်ပေါက်စေတဲ့ အချက်တစ်ခုပါပဲ။

Image Credit: Instagram/ Vera Wang

Wang ရဲ့ ဓာတ်ပုံတွေဟာ အင်စတာဂရမ်မှာ like ပေါင်း သိန်းနဲ့ချီအောင် ရရှိခဲ့ပြီး အင်စတာဂရမ်သုံးစွဲသူ တချို့ကလည်း “ဒီလောက်နုပျိုအောင် ယူနီကွန်းသွေးများ သောက်ထားသလားလို့” လည်း မှတ်ချက်တွေ ရေးသားခဲ့ကြပါတယ်။

Image Credit: Instagram

Vera Wang ဟာ အသက် ၄၀ အရွယ်လောက်ကျမှ သူမရဲ့ လက်ရှိ သတို့သမီးဝတ်စုံ brand ကို ဖန်တီး တည်ထောင်ခဲ့တာ ဖြစ်ပါတယ်။ သူမဟာ Vogue မှာ ၁၇ နှစ်ကြာ အလုပ်လုပ်ကိုင်ခဲ့ပြီး နာမည်ကျော် Ralph Lauren ဆီမှာတော့ ၂ နှစ်ကြာ ဖက်ရှင်ဒီဇိုင်နာအဖြစ် အလုပ်လုပ်ခဲ့ပါတယ်။

Image Credit: Instagram

Katie Scarlett
We Media

Source: Daily Mail

Original Link: https://www.dailymail.co.uk/femail/article-8308739/Vera-Wang-70-sends-social-media-frenzy-ageless-looks.html?fbclid=IwAR2YIzrnDCbKZwn1M5rjISXOCrbO9IUdwXOsW81I_lcDqJ3VyuiIpyb_u4M