ဒီတစ်ခါပြောပြပေးမှာကတော့ အစားအသောက် Blogger တွေ တော်တော်များများ စားပြကြတဲ့ ရေဘဝဲအစပ်ကြော်နည်းလေးပါ။

Photo credit - maangchi

အစပ်ကြိုက်ပြီး ရေဘဝဲကြိုက်သူတွေအတွက်တော့ အခုပြောပြပေးမယ့် ချက်နည်းလေးကြည့်ပြီး လုပ်စားကြည့်ဖို့ အကြံပြုလိုက်ပါတယ်။

Photo credit - maangchi

ပါဝင်ပစ္စည်း

ရေဘဝဲအကောင်ကြီး - ၃ ကောင် (အကောင်သေးလည်း ချက်နိုင်ပါတယ်)

ကြက်သွန်ဖြူ - ၄ မွှာ

ကြက်သွန်နီ - ၁ လုံး

ကြက်သွန်မြိတ် - အနည်းငယ်

ငရုပ်သီး - နှစ်သက်သလို

ဂျင်း - အနည်းငယ်

ကိုရီးယား ငရုပ်နှစ် - ထမင်းစားဇွန်း ၃ ဇွန်း (ကိုယ်နှစ်သက်သလို ထပ်မံထည့်နိုင်ပါတယ်)

ပဲငံပြာရည် - လက်ဖက်စားဇွန်း ၁ ဇွန်း

သကြား -  လက်ဖက်စားဇွန်း ၁ ဇွန်း

ငရုတ်ကောင်း - အနည်းငယ်

ငံပြာရည် - လိုအပ်သလို

နှမ်းဆီ - ထမင်းစားဇွန်း ၁ ဇွန်း

ပြောင်းဖူးကော်မှုန့် - အနည်းငယ်

ပြုလုပ်နည်းအဆင့်ဆင့် -

Photo credit - flickr

- ပထမဦးဆုံး ရေဘဝဲတွေကို ရေစင်အောင်ဆေးပြီး ရေနွေးဆူဆူထဲမှာ ၃ မိနစ်ခန့်ပြုတ်ပါ။ ပြီးရင် ဆယ်ထားပါ။

- ရေဘဝဲတွေကို ကိုယ်ကြိုက်နှစ်သက်တဲ့ အနေအထား လှီးဖြတ်ပါ။

- ဆီသတ်ဖို့အတွက် ကြက်သွန်ဖြူ၊ ကြက်သွန်နီ၊ ချင်းကို ထောင်းထားပါ။

- ငရုတ်သီးတွေကို အနေတော် လှီးထားပါ။

Photo credit - time out

-အနှစ်ပြုလုပ်ဖို့အတွက် ကိုရီးယား ငရုပ်နှစ်၊ ပဲငံပြာရည်၊ ဆား၊ သကြား၊ ငရုတ်ကောင်း၊ ငံပြာရည်၊ နှမ်းဆီ၊ ပြောင်းဖူးကော်မှုန့်တွေကို ရောမွှေပြီး အရသာလိုသလိုစပ်ပါ။

- ဒယ်အိုးထဲမှာဆီထည့်ပါ၊ ဆီပူလာပြီဆိုရင် ထောင်းထားတဲ့ ကြက်သွန်ဖြူ၊ ကြက်သွန်နီ၊ ချင်း၊ ငရုတ်သီးစိမ်း၊ ကြက်သွန်မြိတ်ထည့်ပါ။

Photo credit- pinterest

- ပြီးရင် စောနက ရောနှောထားတဲ့ အနှစ်ကိုထည့်ပါ။ ပြီးရင် ရေဘဝဲတွေကို ထည်ပြီး အရသာဝင်အောင် မွှေရင်းကြော်ပါ။

- ၅ မိနစ်လောက် ထပ်မံကြော်ပြီးရင်တော့ အရသာရှိတဲ့ ကိုရီးယား ရေဘဝဲအစပ်လေး ရပါပြီ။

(ရေဘဝဲအပေါ်ကို နှမ်းလေးဖြူးပြီးတော့လည်း သုံးဆောင်နိုင်ပါတယ်)