စပိန်နိုင်ငံ့မှာ ပြီးခဲ့တဲ့ စနေနေ့က နိုင်ငံတွင်း lockdown ပြန်လည်ချမှတ်မှုကို မကျေနပ်မှုကြောင့် ထောင်ချီတဲ့ကားတွေနဲ့ မော်တော်ယာဉ်တွေဟာ ဟွန်းတွေတီးပြီး စပိန်အလံတွေဝေ့ယမ်းကာ ဆန္ဒပြခဲ့ကြပါတယ်။

ဥရောပနိုင်ငံမှာ lockdown ချမှုအကြာဆုံးနိုင်ငံတွေထဲက တစ်နိုင်ငံဖြစ်တဲ့ စပိန်နိုင်ငံဟာ  lockdown ချထားမှုကို ပြီးခဲ့တဲ့အပါတ်ထဲက ပယ်ဖြတ်ခဲ့ပေမယ့် မတ်ဒရစ်နဲ့ ဘာဆီလိုနာမှာ Coronavirus ဖြစ်ပွားမှုတွေရှိနေသေးတာကြောင့် lockdown ဆက်လက်ချထားခဲ့တာဘဲဖြစ်ပါတယ်။

Photo Credit - Hindu

ဆန္ဒပြသူတွေဟာ ဝန်ကြီးချုပ် Pedro Sanchez နဲ့လက်ဝဲအတိုက်အခံခေါင်းဆောင်၊ဆိုရှယ်လစ်ခေါင်းဆောင် ဒုတိယဝန်ကြီးချုပ် Pablo Iglesiasတို့ကို နှုတ်ထွက်ဖို့တောင်းဆိုခဲ့ကြပြီး စပိန်နိုင်ငံမှာဖြစ်ခဲ့တဲ့ Coronavirus အဆိုးရွားဆုံးအခြေအနေတွေ၊ကိုင်တွယ်ဖြေရှင်းပုံတွေနဲ့ စီးပွားရေးအပေါ် ထိခိုက်မှုတွေကြောင့် တာဝန်ယူဖို့ ပြောဆိုခဲ့ကြတာဖြစ်ပါတယ်။

ဆန္ဒပြခေါင်းဆောင် Vox ဟာ အစိုးရရဲ့ စပိန်ပြည်သူတွေအပေါ်အကြပ်ကိုင်မှုတွေကို ရပ်တန့်ဖို့ အချိန်တန်ပြီဖြစ်ကြောင်း၊အစိုးရရဲ့ နိုင်ငံတွင်း အလုပ်လက်မဲ့နှုန်းနဲ့အလုပ်အကိုင်ဆုံးရှုံးမှုတို့အပေါ် လစ်လျူရှုထားမှုအပေါ် ကျယ်ကျယ်လောင်လောင်ပြောဆိုဖို့ အချိန်ကျပြီလို့ ဆိုရှယ်မီဒီယာကနေ ပြောဆိုခဲ့ပါတယ်။ ၎င်းအနေနဲ့ အစိုးရကို အခုလိုအခြေအနေတွေစိုးရွားခဲ့မှုအပေါ် တာဝန်ယူဖို့ပြောဆိုခဲ့ပြီး နိုင်ငံတွင်းမှာရှိတဲ့ မြို့တိုင်းမှာအခုလို ဆန္ဒပြပွဲတွေ ပြုလုပ်ဖို့ တိုက်တွန်းခဲ့ပါတယ်။

Photo Credit - France24

မက်ဒရစ်နဲ့ ဘာစီလီနာမြို့တွေမှာ  လာမယ့်တနင်္လာနေ့ကစပြီး ပြန်ဖွင့်ဖို့ ပြင်ဆင်ခဲ့ပြီး အပြင်ထွက်စားသောက်တာနဲ့ စုဝေးတာတွေကို လူဆယ်ဦးထိ ပြုလုပ်လို့ရတယ်လို့ ပြောဆိုထားပါတယ်။ စပိန်နိုင်ငံမှာ တရားဝင်ထုတ်ပြန်ထားတဲ့ စာရင်းတွေအရ သေဆုံးသူဦးရေ ၂၈၆၂၈ ဦးနဲ့ စုစုပေါင်း ကူးစက်သူဦးရေ ၂၃၄၈၂၄ ဦး ရှိပါတယ်။

Phone Khant

We Media

Source - France 24

Original Link - https://www.france24.com/en/20200523-spain-s-far-right-hold-car-protest-against-covid-19-lockdown