ကိုရီးယားကားလေးကြည့်ရင်း ကိုရီးယားစာ စားရတဲ့အချိန်တွေက ပြည့်စုံတဲ့ ခံစားမှုတွေကို ပေးစွမ်းနိုင်တယ်နော်။ အခုလည်း ကိုရီးယားစာချစ်သူတို့အကြိုက် ကင်ချီခေါက်ဆွဲကြော်နည်းလေးကို We Food ကနေ တင်ဆက်ပေးသွားမှာပါ။ ကင်ချီကို ထမင်းကြော်ချည်းပဲ ကြော်စားရတာရိုးလာရင်တော့ အခုလိုလေး ကြော်စားကြည့်ဖို့ အကြံပြုလိုက်ပါတယ်...

Photo Credit -  oliver's market 

ပါဝင်ပစ္စည်း

ခေါက်ဆွဲ - ၁ ပန်းကန်

ကင်ချီ - ထမင်းစားဇွန်း ၃ ဇွန်း

နှစ်သက်ရာအသား - ၁၅ ကျပ်သား

ကင်ချီအရည် - ထမင်းစားဇွန်း ၁ ဇွန်း

ကြက်သွန်မြိတ် - ၂ ပင်

ကြက်သွန်နီ - ၁ လုံး

နှမ်း - အနည်းငယ်

ကိုရီးယား ငရုတ်သီးမှုန့် (သို့) ငရုတ်သီးအစိမ်းမှုန့် - ထမင်းစားဇွန်း ၁ ဇွန်း

ကိုရီးယားငရုတ်သီးအနှစ် - ထမင်းစားဇွန်း ၁ ဇွန်း

Soy Sauce - ထမင်းစားဇွန်း ၁ ဇွန်း

နှမ်းဆီ - လက်ဖက်စားဇွန်း ၁ ဇွန်း

အရသာမှုန့် - အနည်းငယ်

ကြက်ဥ - ၁ လုံး

Photo Credit -  reddit 

ပြုလုပ်နည်းအဆင့်ဆင့်

- အရင်ဦးဆုံး အသားလေးတွေကို ဆား၊ ငရုတ်ကောင်းမှုန့် အနည်းငယ်နဲ့ နယ်ထားပေးပါ။

- ဂင်ချီလေးတွေကို ကတ်ကြေးလေးနဲ့ အနေတော်လေးတွေ ညှပ်ထားပေးနော်။

Photo Credit -  seonkyoung longest

- ကြက်သွန်မြိတ်နဲ့ ကြက်သွန်နီလေးတွေကို ခပ်ကြီးကြီးလှီးထားပေးပါ။

- ကြက်ဥလေးကို Half-fried လေးကြော်ပြီး ဆယ်ကာ ဆီစစ်ထားပေးပါနော်။

- ဒယ်အိုးထဲမှာ ဆီအနည်းငယ်ထည့်ပြီး ကြက်သွန်နီထည့် ဆီသတ်ပေးပါ။

Photo Credit -  ramen regret rater

- အသား၊ ကင်ချီ၊ ကင်ချီအရည်၊ ငရုတ်သီးအနှစ်၊ ငရုတ်သီးမှုန့်နဲ့ အရသာအတွက် အရသာမှုန့်၊ Soy Sauce တို့ထည့်ပြီး မွှေကာ ကြော်ပေးပါ။

- အသားလေးတွေ ကျက်လာပြီဆိုရင်တော့ ခေါက်ဆွဲလေးထည့်ကြော်ပေးပါနော်။

- အရည်လေးလည်းခမ်း အနံ့လေးလည်း မွှေးလာပြီဆိုရင်တော့ နောက်ဆုံးမှာ နှမ်းဆီလေးစမ်း၊ ကြက်သွန်မြိတ်နဲ့ နှမ်းလေးဖြူးပြီး မိနစ်အနည်းငယ်ကြာရင် အိုးကချလို့ရပါပြီ။

Photo Credit -  blogger

- ပြီးရင်တော့ အရသာရှိတဲ့ ကင်ချီခေါက်ဆွဲကြော်လေးကို ကြက်ဥကြော်လေးနဲ့ အရသာရှိရှိ သုံးဆောင်နိုင်ပါပြီ။

(ရေညှိလေးပါဖြူးစားရင် ပိုကောင်းပါတယ်နော်)

Psyche (We Media)

Ref; Seonkyoung Longest's youtube