Justin ဆီက နောက်ဆုံးအနေနဲ့ Selena အလိုချင်ဆုံး မွေးနေ့လက်ဆောင်

နောက် (၂) ရက်သာ လိုတော့တဲ့ Selena ရဲ့ မွေးနေ့မှာ Selena ဟာ Justin ဆီကနေ အလိုချင်ဆုံး မွေးနေ့လက်ဆောင် တစ်ခုရှိကြောင်း Selena  ရဲ့ ရင်းနှီးတဲ့ မိတ်ဆွေအသိုင်းအဝိုင်းမှ Hollywood Life  ကို ပြောကြားခဲ့ပါတယ်...

ဒီလက်ဆောင်ကတော့ Selena အနေနဲ့ သူမရဲ့ မွေးနေ့ကို အေးအေးဆေးဆေးနဲ့ တိတ်တိတ်ဆိတ်ဆိတ်သာ ဖြတ်သန်းချင်လိုပြီး Justin အနေနဲ့ သူမကို မွေးနေ့ဆုတောင်းစကား ၊ လက်ဆောင် ၊ ပန်းစည်း စတာတွေကို မပေးဖို့  ဖုန်းခေါ်ပြီးတော့ပဲဖြစ်ဖြစ် Sms ပို့ပြီးတော့ပဲ ဖြစ်ဖြစ် သူမကို Birthday Wish  မလုပ်ပေးဖို့ပဲ ဖြစ်ပြီး စေ့စပ်သူရှိပြီးသား Justin အနေနဲ့ သူမရဲ့ ခံစားချက်တွေကို ထပ်မကစားဖို့ပဲ ဖြစ်ပါတယ်

ဒီပြောကြားချက်အရ Selena ဟာ Justin နဲ့ Hailey တို့စေ့စပ်ခြင်းအပေါ် နားလည်သဘောပေါက်ပြီး Justin နဲ့ ခပ်ဝေးဝေးမှာ အေးအေးဆေးဆေးနေလိုခြင်းကြောင့်ဖြစ်နိုင်ပါတယ်... သူမတို့နှစ်ယောက်ဟာ ၁၀ စုနှစ်တစ်ခုကျော်ကြာအောင် တစ်ယောက်ကိုတစ်ယောက် ချစ်ခဲ့ကြဖူးသူတွေဖြစ်တဲ့အတွက်ကြောင့် သူမအနေနဲ့ သံယောဇဉ်တွေကို လွယ်လွယ်နဲ့ ဖြတ်တောက်ဖို့ဆိုတာ မလွယ်ကူလောက်ပါဘူး... ဒါပေမယ့် Justin က တစ်ခြားသူတစ်ယောက်နဲ့ စေ့စပ်လိုက်တဲ့ အချိန်မှာတော့ မတတ်နိုင်တဲ့ အဆုံးမှာ သူမဟာ ဒီသံယောဇဉ်တွေကို မြေမြုပ်ပစ်ချင်ပုံရပါတယ်...

Justin ကိုလဲ သူစေ့စပ်လိုက်တဲ့ သတို့သမီးလောင်းနဲ့ ပျော်ရွှင်စေချင်သလို သူမလဲ အေးချမ်းတဲ့ဘဝလေးကို ဖြတ်သန်းချင်တဲ့အတွက် ဒီလိုလက်ဆောင်မျိုးလိုချင်တာလဲဖြစ်နိုင်ပါတယ်... အားလုံးကတော့ Selena  ရဲ့ ဒီနှစ်မွေးနေ့ပွဲကို လုံး၀ စိတ်ဝင်စားနေကြပြီး Selena တစ်ယောက် သူမရဲ့ မွေးနေ့ပွဲမှာ Justin နဲ့ ပတ်သတ်မှုတစ်ခုခုဖြစ်နိုင်လာမလား???  ဒါမှမဟုတ် သူမဘဝရဲ့ လက်တွဲဖော် အသစ်တစ်ယောက်ကို ပရိသတ်တွေကို အသိပေးမလား???ချစ်တဲ့သူတွေနဲ့ပဲ မွေးနေ့ကို ဖြတ်သန်းရင်း Single Life မှာပျော်ရွှင်နေမလားဆိုတာတော့ မွေးနေ့ကျမှပဲ သိရမှာပေါ့နော်..

Source - Hollywood Life

we.com.mm တွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင် ပြန်လည်ကူးယူဖော်ပြခြင်းကို ခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဒီနေရာတွင် ဖတ်ရှုနိုင်ပါသည်။