ဆားဘဲဥနှင့် ဆားကြက်ဥ ပြုလုပ်ပုံ အဆင့်ဆင့်

ဆားဘဲဥ နှင့် ဆားကြက်ဥ(salted egg) ပြုလုပ်နည်းကို

We ရဲ့ ပရိတ်သတ်တွေအတွက် ဖော်ပြပေးချင်ပါတယ်။

ပထမအဦးဆုံး ဘဲဥ (၁၀)လုံးကို သန့်ရှင်စင်ကြယ်အောင် ရေဆေးကြောပါ။

ဆေးကြောပြီးသား ဘဲဥများကို ဝင်ဆံမည့် ကော်ဗူး၊ဖန်ဗူးထဲသို့ထည့်ထားပါ။

အချိုးအစားက ဘဲဥ (၁၀)လုံးအတွက် ဆား မတ်ခွက်ဖြင့် (၁)ခွက်...ရေက မတ်ခွက်ဖြင့် (၄)ခွက် ဖြစ်ပါတယ်။

ရေ( ၄)ခွက် ဆား (၁)ခွက်ကို မီးဖိုပေါ်၌ ဆားများအရည်ဖျော်တဲ့အထိ ပွက်ပွက်ဆူအောင် တည်ပေးရပါမယ်။

ကျိုချက်ထားသော ဆားရည်ကို အေးသွားသည်အထိ့ ထားရှိပြီး ဆားရည်များအေးသွားပါက ဘဲဥထည့်ထားသော ဗူးထဲသို့အပြည့်၊ဘဲဥများဆားရည်မြူပ်သည်အထိ အပြည့်ဖြည့်ပါ။

ဆားရည်များထည့်ပြီးပါက ဘဲဥများရေပေါ်၌မပေါ်နိုင်အောင်တစ်ခုခုဖြင့်ဖိထားပေးပြီးတော့ ဗူးအဖုံးကိုလေလုံအောင် ကြပ်ထားပြီး(၄၅)ရက်ကြာအောင် စိမ်ထားလိုက်ပါက ၄၅ရက်အလွန်မှာ ဆားရည်စိမ်ထားသောဘဲဥများကိုဆယ်ယူ၍ မိမိတို့ကြိုက်နှစ်သက်သလို ချက်ပြုတ်စားသုံးနိုင်ပါပြီ။

ဆားဘဲဥဟာ အငံအရသာရှိပြီး သူ့ကိုစားသုံးပေးခြင်းဖြင့် အစာချေဖျက်မူအားကောင်းခြင်း၊လေလည်ခြင်း၊မျက်စိအားကောင်းခြင်း၊အသားရည်စိုပြေခြင်းနှင့်အတူ အခြားသောအကျိုးကျေးဇူးတွေကိုလည်း ရရှိလာမှာဖြစ်ပါတယ်။

သွေးတိုးရောဂါသမားများ စားသုံးရန် မသင့်ပါ။ဒီအစားအစာဟာ ထိုင်း၊တရုတ်၊မလေးရှားနှင့် အင်ဒိုနီးရှားနိုင်ငံများမှာ လူကြိုက်များကြပါတယ်။

we.com.mm တွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင် ပြန်လည်ကူးယူဖော်ပြခြင်းကို ခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဒီနေရာတွင် ဖတ်ရှုနိုင်ပါသည်။