မျက်လှည့်ပြဖို့ မြစ်ထဲဆင်းသွားရာမှ ပြန်ပေါ်မလာတော့ဘဲ အိန္ဒိယမျက်လှည့်ဆရာ ရေနစ်သေဆုံး

ပြီးခဲ့တဲ့ ဇွန်လ (၁၆)ရက်နေ့က အိန္ဒိယနိုင်ငံမှ မျက်လှည့်ဆရာတစ်ဦးဟာ မိမိကိုယ်ခန္ဓာရဲ့ ခြေလက်များကို သံကြိုးများ ခတ်စေပြီး မြစ်အတွင်း ချခိုင်းကာ ကမ္ဘာကျော်မယ့် ပြကွက်တစ်ခုကို ဖန်တီးခဲ့ပါတယ်။ အဆိုပါ မျက်လှည့်ဆရာရဲ့ အမည်ဟာ Chanchal Lahiri လို့ ခေါ်ပြီး မျက်လှည့်ပညာကို ရူးသွပ်သူတစ်ဦးလည်းဖြစ်ပါတယ်။

သူ့ရဲ့ မျက်လှည့်ပြကွက်ဟာ တစ်ကိုယ်လုံး သံကြိုးများခတ်ပြီး မြစ်ထဲ ချခိုင်းကာ အချိန်အကန့်အသတ်အတိုင်း သံကြိုးများ ဖြည်ပြီး ရေပေါ်ပြန်ပေါ်လာမယ့် ပြကွက်မျိုးပါ။

ဒါပေမဲ့ သူ့ရဲ့ ပြကွက် မအောင်မြင်ခဲ့ဘဲ မျက်လှည့်ဆရာ Chanchal တစ်ယောက် ရေပေါ်ပြန်ပေါ်မလာတော့ပါဘူး။ ဒါကြောင့် ရဲများက သူ့ကို မြစ်အတွင်း ပျောက်ဆုံးသွားပြီး မျက်လှည့်ဆရာ ရေနှစ်သေဆုံးသွားခဲ့ပြီလို့ အတည်ပြုလိုက်ပါတယ်။ အဆိုပါ အိန္ဒိယမျက်လှည့် ဆရာဟာ အမေရိကန်စတန့်သမား ဟယ်ရီဟူဒီနီရဲ့ ကမ္ဘာကျော် ပြကွက်ကို ပြန်လည် ဖန်တီးပြသဖို့ ကြိုးစားရင်း ခုလို အဖြစ်ဆိုးနဲ့ ကြုံတွေ့လိုက်ရတာပဲ ဖြစ်ပါတယ်။

မျက်လှည့်ဆရာ Chanchal ရဲ့ ပြကွက် ပြသနေချိန်မှာ လူအများစောင့်ကြည့်နေကြပြီး ၎င်းပြန်ပေါ်မလာတော့တဲ့နောက်မှာတော့ လူအုပ်ကြီးက မြစ်ထဲ ဆင်းရှာပေးခဲ့ကြပြီး ရဲကိုလည်း အကြောင်းကြားခဲ့တယ်လို့ သိရပါတယ်။ ဒါ့အပြင် ယမန်နေ့ ဇွန်လ (၁၇)ရက်နေ့မှာတော့ အခင်းဖြစ်ရာ နေရာမှ (၁)ကီလိုမီတာခန့်မှာ မျက်လှည့်ဆရာ Chanchal ရဲ့ အလောင်း ကမ်းတင်နေတာကို တွေ့ခဲ့ရတယ်လို့ သတင်းရရှိပြီး ရဲများ စစ်ဆေးမှုတွေ ပြုလုပ်ခဲ့တယ်လို့ သိရပါတယ်။

မျက်လှည့်ဆရာ Chanchal Lahiri ဟာ သင်္ဘောတစ်စင်းနဲ့ မြစ်အလယ်မှာနေရာယူပြီး ခြေလက်တွေကို သံကြိုးကွင်းတစ်ခု၊ သော့(၆)လုံး ခေတ်စေပြီး ရေထဲ ချခိုင်းခဲ့တာဖြစ်ပေမယ့် အတတ်ကြူးတဲ့အတွက် အခုလို အဖြစ်ဆိုးနဲ့ တွေ့ကြုံသွားရတာဖြစ်ပါတယ်။

Source; news-sinaa.com

we.com.mm တွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင် ပြန်လည်ကူးယူဖော်ပြခြင်းကို ခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဒီနေရာတွင် ဖတ်ရှုနိုင်ပါသည်။